चंद्राबाबू नायडू Chandrababu Naidu कुटुंबाच्या संपत्तीत 587 कोटी रुपयांची वाढ गेल्या 5 दिवसांत झाली आहे. मीडिया रिपोर्ट्सनुसार, या काळात हेरिटेज फूड्सच्या शेअर्समध्ये 55% वाढ झाल्यामुळे हे घडले आहे. हेरिटेज फूड्सचे प्रवर्तक नारा लोकेश हे पक्षाचे प्रमुख चंद्रा बाबू नायडू यांचे पुत्र आहेत. 12 जून रोजी आंध्र प्रदेशचे मुख्यमंत्री म्हणून चंद्राबाबू नायडू शपथ घेणार आहेत. चंद्राबाबू नायडू यांनी हेरिटेज ग्रुपची स्थापना 1992 मध्ये केली होती. डेअरी, रिटेल आणि कृषी क्षेत्रात काम ही कंपनी करते. नुकत्याच झालेल्या आंध्र प्रदेश विधानसभा आणि लोकसभा निवडणुकीत टीडीपीचे प्रमुख चंद्राबाबू नायडू यांनी चमकदार कामगिरी केली आहे. त्यामुळे त्यांच्या कंपनीवरील गुंतवणूकदारांचा विश्वास वाढला आहे.
Chandrababu Naidu चंद्राबाबू नायडू यांच्या पत्नीची कंपनीत सर्वाधिक भागीदारी
चंद्राबाबू नायडू यांच्या पत्नी भुवनेश्वरी यांच्याकडे कंपनीत 24.37% हिस्सा आहे. तर मुलगा लोकेश आणि सून ब्राह्मणी यांच्याकडे 10.82% आणि 0.46% हिस्सा आहे. नायडू यांचा नातू देवांश यांचा त्यात 0.06% हिस्सा आहे. म्हणजेच चंद्राबाबू नायडू यांच्या कुटुंबाचा कंपनीत एकूण हिस्सा 35.71% आहे.
सरपंच ते केंद्रीय मंत्री रक्षा खडसेंचा राजकीय प्रवास
Chandrababu Naidu हेरिटेज फूड्सचे शेअर्स शुक्रवारी 10% वाढले
शुक्रवार, 7 जून रोजी हेरिटेज फूड्सचे शेअर्स 10% च्या वाढीसह 661.25 रुपयांवर बंद झाले. गेल्या 5 दिवसात 55% वाढ झाली आहे. हेरिटेज फूड्सचा शेअर 4 जून रोजी 455.45 रुपयांवर होता, जो 7 जूनला 661.25 रुपयांवर पोहोचला. या आठवड्यात 2,400 कोटी रुपयांनी हेरिटेज फूड्सच्या मार्केट कॅपमध्ये वाढ झाली आहे. कंपनीचे मार्केट कॅप 6,136 कोटी रुपयांवर 7 जून रोजी पोहोचले.एका आठवड्यापूर्वी ते 3,700 कोटी रुपये होते.
Chandrababu Naidu चंद्राबाबू नायडू 12 जून रोजी मुख्यमंत्रिपदाची शपथ घेणार
12 जून रोजी आंध्र प्रदेशचे मुख्यमंत्री म्हणून तेलुगू देसम पार्टीचे (टीडीपी) अध्यक्ष एन चंद्राबाबू नायडू शपथ घेणार आहेत. ते चौथ्यांदा राज्याचे मुख्यमंत्री होणार आहेत. यापूर्वी त्यांनी 1 सप्टेंबर 1995, 11 ऑक्टोबर 1999 आणि 8 जून 2014 रोजी मुख्यमंत्रीपदाची शपथ घेतली होती. 2019 मध्ये, YSRCP अध्यक्ष जगन मोहन रेड्डी यांनी विजयाची नोंद करून त्यांच्याकडून सत्ता हिसकावून घेतली. या लोकसभा निवडणुकीतही टीडीपीने 16 जागा जिंकल्या आहेत. टीडीपीने एनडीएला पाठिंबा दिला आहे. म्हणजेच तो केंद्र सरकारचाही एक भाग असेल.
