मुंबई पोलीस कोणत्या ना कोणत्या कारणांमुळे चर्चेत असतात. नुकतंच मुंबई पोलिसांनी (Mumbai Police) अधिकृत इंस्टाग्राम अकाउंटवर पोस्ट शेअर केली आहे. दिग्दर्शक अन्वर रशीद (Anwar Rasheed) यांच्या ‘आवेशम’ या चित्रपटाच्या प्रीमियरच्या दरम्यान मुंबई पोलिसांनी चित्रपटाची एक पोस्ट शेअर केली आहे. प्रसिद्ध मल्याळम अभिनेता फहाद फासिल यांनी मुंबई पोलीसांच्या अधिकृत इंस्टाग्रामवर रील पोस्ट केली आहे. आजकाल ट्रेंडिंग असलेल्या स्टाइलमध्ये हि रील बनवली आहे.
मुंबई पोलिसांनी रीलद्वारे नेमका काय संदेश दिला?
मुंबई पोलिसांनी टाकलेल्या रिलमध्ये सामाजिक संदेश दिला. आजकाल इंस्टाग्राम रिलच्या माध्यमातून सामाजिक संदेश दिला जातो. त्यामुळे मुंबई पोलिसांनी देखील याचा वापर करून लोकांच्या सेवेसाठी सदा तत्पर असल्याचा संदेश दिला. त्यांनी रस्ता सुरक्षा, सायबर सुरक्षा आणि बरेच काही यासारख्या पैलूंबद्दल जागरूकता पसरवली. प्रस्तुत रिलमध्ये, एकाच संदेशाच्या दोन बाजू दाखवल्या. एक आदर्श आणि दुसरी ज्या गोष्टी टाळल्या पाहिजेत. अभिनेत्याने संक्रमण केल्यामुळे, त्याच्या चेहऱ्यावरील हावभाव बदलले की काय योग्य आहे अनुसरण केले पाहिजे आणि काय धोकादायक आहे टाळले पाहिजे.
पुदूचेरीमध्ये आखली अनोखी योजना…व्हिडिओ झाला व्हायरल!
रिलमध्ये आणीबाणीच्या परिस्थितीत 100 डायल करणे, निर्दिष्ट वेग मर्यादेचे पालन करणे आणि लांब पासवर्ड ठेवणे. तर दुस-या बाजूला, फहद त्याच्या चिंताग्रस्त चेहऱ्याने संभाव्य जोखमीचे संकेत देताना दिसला. हेल्मेटशिवाय गाडी चालवू नये, फसवणूक आणि 1234567890 सारखे सोपे पासवर्ड ठेवणे , यांसारख्या गोष्टी रिलमध्ये दाखवल्या आहेत. सध्या हि रील सोशल मीडियावर तुफान व्हायरल होतीये. रीलच्या माध्यमातून पसरवल्या जाणाऱ्या संदेशामुळे मुंबई पोलिसांचं कौतुक केलं जातंय. या पोस्टवर कंमेंट्सचा पाऊस पडताना दिसतोय.
