सध्या सर्वत्र मेट गाला (Meta Gala) समारंभाची चर्चा सुरू आहे. सोमवारी (६ मे) रोजी संध्याकाळी न्यूयॉर्क शहरातील मेट्रोपॉलिटन म्युझियम ऑफ आर्ट्समध्ये हा समारंभ पार पडला. या समारंभाला जगभरातील प्रसिद्ध व्यक्ती आपली उपस्थिती दर्शवितात. फॅशन जगतातील सर्वांत मोठा समारंभ म्हणूनही याची ओळख आहे. मे महिन्याच्या पहिल्या आठवड्यात या समारंभाचे आयोजन करण्यात येते. दरवर्षीप्रमाणेच यंदाच्या समारंभातही अनेक सेलिब्रिटी सुंदर वेशभूषेपासून चित्र-विचित्र वेशभूषा परिधान करून आले होते. यात बॉलीवूड अभिनेत्री देखील तेथील ग्रीन कार्पेटवर झळकल्या.
१. आलिया भट्ट (Alia Bhatt)
बॉलीवूड स्टार आलिया भट्ट ग्रीन कार्पेटवर हटके अंदाजात पाहायला मिळाली. आलियाने फ्लोरल सब्यसाची साडी नेसली होती. तिने नेसलेली साडी बनवायला एकूण १६३ डिझायनर आणि १९६५ तासांचा वेळ लागला. आलियाने स्मोकी मेकअप करून आणि स्टायलिश दागिने घातले होते. साडीसोबत तिने डीप नेक ब्लॉऊज आणि शॉर्ट स्लीव्ह घातला होता.
१६३ लोक आणि १९६५ तास; मेट गाला २०२४ मधला आलियाचा लुक खास!
२. ईशा अंबानी (Isha Ambani)
ईशा अंबानीने 2024 च्या मेट गालामध्ये सर्वांचे लक्ष वेधून घेतले. तिने भारतीय डिझायनर राहुल मिश्रा यांच्या कॉउचर साडीचा गाऊन परिधान केला होता. ज्यामध्ये एक जबरदस्त लांब फुलांची ट्रेन आहे. या वर्षीच्या “द गार्डन ऑफ टाइम” ड्रेसकोडपासून प्रेरित गाऊनमध्ये इशा चमकत होती. भारतातील विविध गावांमधील राहुल मिश्रा यांच्या कार्यशाळेत हाताने भरतकाम करून कॉउचर गाऊन तयार करण्यात आला. उत्तम नक्षीकाम प्राचीन भारतीय कलाप्रकारांचा वापर करून स्वदेशने तयार केलेला ‘क्लच’ असलेला तिचा गाऊन झळकला.
३. मोना पटेल (Mona Patel)
भारतीय उद्योजिका मोना पटेल या वर्षीच्या मेट गाला फॅशन इव्हेंटच्या माध्यमातून प्रथमच या व्यासपीठावर सहभागी झाल्या आहेत. फॅशन डिझायनर आयरिस व्हॅन हार्पेनने डिझाइन केलेला स्टायलिश बटरफ्लाय आणि फ्लटर ड्रेस परिधान करून मोनाने सर्वांना आकर्षित केले आहे.
४. मिंडी कलिंग (Mindy Kaling)
मिंडी कलिंग देखील गौरव गुप्ताच्या ट्विस्ट अँड ट्वर्ल गाऊनमध्ये सुंदर दिसत होती. तिच्या ड्रेसने लोकांना ऐश्वर्या रायच्या लूकची आठवण करून दिली.
५. सब्यसाची मुखर्जी : (Sabyasachi Mukherjee)
आलिया भट्ट सोबत मेट गाला कार्पेटला शोभणारा पहिला भारतीय डिझायनर बनून सब्यसाची मुखर्जी यांनी इतिहास रचला. मुखर्जी यांनी सब्यसाची रिसॉर्ट 2024 कलेक्शनमधील टूमलाइन्स, मोती, पन्ना आणि सब्यसाची हाय ज्वेलरीमधील हिऱ्यांनी भरलेला एक भरतकाम केलेला कॉटन डस्टर कोट परिधान केला होता.
६. नताशा पूनावाला (Nataasha Poonawalla)
मेट गाला 2024 साठी नताशा पूनावालाचा पोशाख जॉन गॅलियानोने डिझाइन केलेल्या मेसन मार्गिएलाच्या आर्टिसनल कलेक्शनमधून कस्टम-मेड केला होता. तिने पारदर्शक काळ्या रिप्ड शिफॉनने सजलेला पांढरा स्ट्रॅपलेस बॉडीकॉन ड्रेस परिधान केला होता, फ्लफी व्हाईट कॅपसह जोडलेला होता.
७. सुधा रेड्डी (Suddha Reddy)
सुधा रेड्डी या एक प्रख्यात परोपकारी आणि उद्योगपती आहेत ज्यांनी प्रतिष्ठित 2024 मेट गालामध्ये जबरदस्त प्रवेश केला. तिच्या पोशाखाबद्दल बोलायचे झाले तर, तिने प्रख्यात कॉउटरियर तरुण ताहिलियानी यांच्या स्टुडिओमधील सानुकूल-डिझाइन केलेला पोशाख परिधान केला होता, ज्यात उत्कृष्ट दागिन्यांचा समावेश होता. तिच्या दागिन्यांपैकी एक ‘अमोर एटर्नो’ नेकलेस होता.
