कामाचा ताण आणि कौटुंबिक जबाबदाऱ्यांपासून ते आजारांपर्यंत अनेक घटक चांगल्या रात्रीच्या झोपेत (Sleep) व्यत्यय आणू शकतात. त्यामुळे आरामदायक झोप लागणे कठीण आहे. नियमित झोप लागण्यासाठी हे उपाय नक्की करा. काही सोप्या टिप्स आहेत ज्यामुळे तुम्ही शांत झोप लागण्यासाठी प्रयत्न करू शकता. झोपेचे वेळापत्रक ठरवा. एक योग्य वेळ ठरवून रोज त्यावेळेवर झोपण्याचा प्रयत्न करा.
रोज ७ ते ९ तास झोपण्याचा प्रयत्न करावा. निरोगी प्रौढ व्यक्तीसाठी किमान सात तास झोपेची शिफारस केली जाते. बऱ्याच लोकांना चांगल्या विश्रांतीसाठी आठ तासांपेक्षा जास्त अंथरुणावर झोपण्याची गरज असते. रोज एकाच वेळी उठण्याचा प्रयत्न करा. झोपायला गेल्यानंतर जर सुमारे २० मिनिटे तुम्हाला झोप लागत नसल्यास जागा बदलू शकता किंवा काही तरी आरामशीर करण्याची शिफारस केली जाते. एकाच वेळी उठल्याने सातत्यपूर्ण राहिल्याने तुमच्या शरीराचे झोपेचे चक्र मजबूत होते. झोपेच्या वेळापत्रकासोबत तुम्ही काय खाता आणि काय प्यावे याकडे लक्ष द्या. उपाशीपोटी झोपू नका. तसेच अगदी पोट भरून झोपू नका. विशेषतः, झोपेच्या काही तासांच्या आत जास्ती जेवण टाळा.
‘ह्या’ समस्यांमुळे होऊ शकतो कोंडा!
निकोटीन, कॅफीन आणि अल्कोहोलमुळे देखील झोप लागण्यास अडचण येऊ शकते. निकोटीन आणि कॅफीनचे उत्तेजक परिणाम कमी व्हायला तास लागतात आणि झोपेत व्यत्यय आणू शकतात. अल्कोहोल तुम्हाला सुरुवातीला प्रचंड झोप येऊ शकते. तरीही ते रात्री झोपेमध्ये व्यत्यय आणू शकते.
नेहमी शांत आणि प्रसन्न वातावरण तयार करा. जेणेकरून तुम्हाला कसला हि ताण-तणाव होणार नसेल आणि तुम्ही शांत झोपू शकता. तुमची खोली थंड ठेवा. लाईटमुळे सुद्धा झोप लागण्यास त्रास होऊ शकतो. झोपण्यापूर्वी मोबाईल किंवा टीव्हीचा वापर टाळा. तुमचा स्क्रीनटाईम कमी करा. जेणेकरून तुम्हाला शांत आणि आरामदायक झोप लागण्यास मदत होऊ शकते.
दिवसा झोप मर्यादित करा. शक्यतो दुपारी झोपणे टाळा. दिवसभराची लांब डुलकी रात्रीच्या झोपेत व्यत्यय आणू शकते. दुपारी एक तासापेक्षा जास्त वेळ झोपू नये आणि दिवसा उशिरा झोपणे टाळा. परंतु, जर तुम्ही रात्री काम करत असाल, तर दुपारी झोपणे आवश्यक आहे. तुमच्या दैनंदिन दिनचर्येत शारीरिक हालचालींचा समावेश करा. नियमित शारीरिक हालचालींमुळे चांगली झोप येते. पण झोपण्याच्या वेळीस सक्रिय राहू नका नाही तर झोप जाऊ शकते. दररोज बाहेर वेळ घालवणे देखील उपयुक्त ठरू शकते.
