पेण
पेण (Pen) मधील साई भक्तांनी लोकसभा निवडणुकीत महायुतीचे उमेदवार सुनील तटकरे (Sunil Tatkare) यांना आपला पाठिंबा पत्रकार परिषदेत जाहिर केला. पेण – बोरगाव येथील सेलिब्रेशन रिसॉर्ट मध्ये झालेल्या पत्रकार परिषदेला साईभक्त दिनेश पाटील, गणेश गायकर, महेश पाटील, गणेश जांभळे, संजय साळूंके यांच्या सह शेकडो साई भक्त उपस्थित होते.
देशाची धुरा सांभाळण्यासाठी आज पंतप्रधान नरेंद्र मोदी पुन्हा हवे आहेत. पंतप्रधान नरेंद्र मोदी यांनी शेतकरी, मध्यम वर्गीय व सर्वच वर्गाला न्याय देण्याचा प्रयत्न केला आहे असे साई भक्त दिनेश पाटील यांनी म्हटले. मागील दहा वर्षात मोदींच्या नेतृत्वाखाली भारत जागतिक स्तरावर महासत्ता होण्याच्या मार्गांवर आहे.देशाला पुढे नेण्यासाठी मोदीच हवे त्यांच्यासाठी रायगड मधील महायुतीचे उमेदवार सुनील तटकरे यांना निवडून देण्यासाठी आम्ही सर्वं साईभक्त पुढे आलो असल्याचे साईभक्त गणेश गायकर यांनी यावेळी सांगितले
